புழுங்கலரிசி பிரியாணி

தேவையானவை

•  புழுங்கலரிசி - கால் கிலோ
•  பிரியாணி இலை - ஒன்று
•  பச்சை மிளகாய் - 3
•  நல்லெண்ணெய் - 3 டீஸ்பூன்
•  இஞ்சி - சிறிய துண்டு
•  மஞ்சள்தூள் - கால் டீஸ்பூன்,
•  பச்சைப் பட்டாணி - கால் கப்
•  தேங்காய் - ஒரு துண்டு
•  பூண்டு - 10 பல்
•  பட்டை, ஏலக்காய், கிராம்பு - தலா 2
•  புதினா, கொத்தமல்லி - ஒரு கைப்பிடி அளவு
•  நாட்டுத்தக்காளி - 2,
•  சின்ன வெங்காயம் - 8,
•  உப்பு - ஒரு டீஸ்பூன்
•  வெண்ணெய் - 2 டீஸ்பூன்

செய்முறை :

Step 1.
முதலில் சின்ன வெங்காயம், தக்காளியை பொடியாக நறுக்கவேண்டும் .பின் அரிசியை, உப்பு சேர்த்து அரை வேக்காடாக வேக வைத்துக் கொள்ளவேண்டும்

Step 2.
. பிறகு தேங்காய், புதினா, கொத்தமல்லி, பட்டை, கிராம்பு, பச்சை மிளகாய், ஏலக்காய், இஞ்சி, பூண்டு... இவை ஒவ்வொன்றையும் தனித்தனியாக அம்மியில் அரைக்கவேண்டும் .

Step 3.
பின்பு அடுப்பில் பாத்திரத்தை வைத்து எண்ணெய், வெண்ணெய் சேர்த்து பிரியாணி இலை தாளித்து, வெங்காயம், தக்காளியை வதக்கி, அரைத்த விழுதுகளை ஒன்றன் பின் ஒன்றாகத் தனித்தனியாக போட்டு வதக்கவேண்டும் .

Step 4.
இப்பொழுது பச்சைப் பட்டாணியை சேர்த்து மேலும் வதக்கவும். உப்பு, மஞ்சள்தூள் சேர்க்கவும், எல்லாம் நன்றாக வதக்கியதும் வேக வைத்த சாதத்தை சேர்த்துக் கிளறி, பாத்திரத்தை மூடி, சிறிது நேரம் கழித்து இறக்கினால்... புழுங்கல் அரிசி பிரியாணி ரெடி.